Learn · 唔識寫程式都用得
以下 5 步，每一步都有可以直接複製嘅指令。你唔需要知咩叫函式、API、環境變數——你只要識講「咩入、咩出、唔准做咩」，同埋識驗收：佢有冇真跑、有冇真輸出。
Five steps, each with a ready-to-paste instruction. You do not need to know what a function, an API or an environment variable is — you need to describe the input, the output, and the limits, then demand real evidence that it ran.
先拎免費清單 → 開始 5 步 · Start 睇三個真實例子 睇已跑通嘅示範
① 講清目標（一句話）；② 講清輸入輸出放邊；③ 驗收（要真輸出，唔收口述）。其餘（寫、跑、除錯）交俾 agent。
寫程式、自己跑、讀錯誤訊息、改、重跑；順手寫測試同 README。所以關鍵唔係你識唔識寫，而係「有冇逼佢跑」。
「應該冇問題」＝ 未做。永遠要：跑嘅命令、退出碼、真輸出頭尾、生成檔案清單。冇呢四樣唔收貨。
The 5 steps · 五步
每個指令盒右上角有「複製」，直接貼落你嘅 AI agent 就得。尖括號 <…> 係要你自己填嘅位。
純聊天窗只會講，唔會做。你要嘅係一個可以讀寫你電腦檔案、可以自己跑指令嘅 agent。
你要做嘅
過關標準：你見到 agent 真係列出你部機嘅檔案／真係跑到命令 → 過關。
AI 唔識讀心。你唔識寫程式唔緊要，但你要識講「咩入、咩出、唔准做咩」。三句就夠。
你要做嘅
你係一個會自己讀寫檔案、自己跑指令嘅工程助手。 我要做嘅嘢（一句話）：<例：每日由一個 Excel 抽出未收款客戶，生成催收 email 草稿> 輸入：<例：C:/work/receivables.xlsx，每行有客戶名、金額、到期日> 輸出：<例：drafts/ 資料夾，每個客一份 .txt，內容係催收 email> 限制：<例：唔准上網；唔准改原檔；金額格式要 HK$1,234.56> 做之前，先用 5 點覆述你嘅理解，並列出你打算用邊種語言、會改邊啲檔案。 等我回覆「開始」先寫。唔准估我需要咩。
過關標準：agent 覆述你嘅理解 ＋ 講明用咩語言、邊啲檔案，你先回「開始」。
新手最常死喺「一開始就要佢做全套」。先要一個跑得完嘅最小版本，跑通先加嘢。
你要做嘅
先做最小可跑版（MVP）： - 只做一件事：跑得完、有真輸出。 - 唔要 UI、唔要美化、唔要額外功能。 - 完成後寫一句「一鍵跑」命令（例：python run.py）。 - 唔准用我未安裝嘅套件；如果一定要，先講清點裝、裝幾耐。 - 唔准假數據：唔准寫「假設」、「示範用」嘅假紀錄扮真結果。
過關標準：你自己跑一次一鍵命令，真係出到一個（哪怕醜樣嘅）結果。
「應該冇問題」＝ 未做過。唯一可信嘅係真跑過嘅輸出。呢步係質素分水嶺。
你要做嘅
你現在要自己跑一次，唔准只講「應該冇問題」： 1) 執行你寫嘅一鍵命令 2) 把真實輸出貼返出嚟：頭 20 行 + 最後 20 行 3) 有錯就自己修，修完再跑，直到跑通 4) 最後列出：跑嘅命令、退出碼（exit code）、生成咗邊啲檔案同大小 如果環境唔夠（版本／權限），唔准自己亂裝：先講清楚要咩、影響咩，等我決定。
過關標準：你見到真輸出（唔係佢口述）＋ 檔案真係出現喺你部機。
一次加三樣，你就永遠查唔到邊樣整壞咗。一次一樣，加完跑一次。
你要做嘅
一次加一樣功能（每次一個）：<你嘅新功能> - 加完要跑一次，貼真輸出。 - 順手加一個測試：至少一個正常 case ＋ 一個怪 case（例：空白欄、負數、日期格式唔同）。 - 唔准改壞舊功能；如果一定要改，先講明改咩、影響邊啲 case，等我批准。 - 如果同我之前講嘅要求有抵觸，停手問我，唔好自己決定。
過關標準：舊功能照跑得通 ＋ 新功能有真輸出＋有測試。
跑得通只係一半。你要一個下星期自己睇得明、用得到嘅版本。
你要做嘅
收口五件事： 1) README.md：安裝步驟、一鍵跑命令、output 樣本、常見錯誤同解法 2) .env.example：把所有 key 抽出來；真 key 只放 .env，唔准入 code、唔准入截圖 3) 刪走暫存／垃圾檔，並列出刪咗咩 4) 最後貼一份「檔案清單 ＋ 每個檔一句用途」 5) 用一句話講：呢個版本仲有咩限制（唔准講「完美」）
過關標準：你隔一星期打開 README，照做仍然跑得通。
Ask · 限量問答機械人
用本機 AI即時答你「點樣叫 agent 幫你做」。每位訪客每日 5 條，答完即止（全站每日上限 300 條，保護本機算力）。答唔到嘅，睇返上面 5 步就得。
Gotchas · 卡位
你揀咗一個只識講嘅聊天窗。轉用一個真係有手腳嘅 agent（可以讀寫檔案 ＋ 跑終端）；或者叫佢「完整輸出每個檔案嘅全文同檔名」，你自己複製貼上跑。
一律要證據：跑嘅命令、退出碼、真輸出頭尾 20 行、生成檔案清單。冇呢四樣＝未完成，唔好收貨。
叫佢一次只加一樣；每步之前叫佢「先 copy 一份 backup（例：copy main.py main.py.bak）」，出咗事可以還原。
明文規矩：真 key 只可以喺 .env；code 只可以用 os.environ 讀；見到 code 有真 key 就即刻叫佢抽出嚟並提醒你 rotate（換 key）。
要佢報三樣：Python／Node 版本、需要嘅套件同版本、最簡單安裝法（優先用內建工具／uv／venv）。唔好自己亂裝一輪，最後自己都唔知裝過咩。
由第一日就叫佢寫 CHANGELOG.md：每次改動一行——改咩、為咩、點驗。
寫死禁令：唔准虛構任何數字／檔案內容；冇真來源就寫「冇數據」。所有輸出要可以追溯到真輸入。
Real cases · 真實例子
三個都係同一套 5 步。分別只係「輸入」同「唔准做咩」唔同。
痛點：銀行月結單 CSV 對你自己記嘅數，逐行對，半日先做完。
叫 agent 做：叫 agent 寫一支腳本：讀兩個檔、比對日期同金額、差額逐條列出、生成一個 report.csv。
你要準備：兩個 CSV（或 Excel 匯出）＋一句「差超過 HK$1 才算唔同」。
痛點：客人問價、問貨、問改期，日日重複打同一段字。
叫 agent 做：叫 agent 寫：把查詢分類（問價／退款／物流／人手），再用你嘅價目表生成回覆草稿——草稿要人手按送出，唔會自己覆客人。
你要準備：一份價目／政策文件（PDF 或文字）。
以上三個例子都係我實際跑過嘅方向；示範輸出（真跑、唔係示意圖）見 三 Agent 客服示範 同 YouTube 實測片。
留低 email 即刻收《2026 Free AI Tools Master List》同實戰工具清單。之後有新片、新工具第一時間通知。
免費拎清單 · Get the free listFree download · 免費下載
上面五步嘅指令我都做成模板。留低 email，即刻寄清單同模板俾你；之後有新片、新工具第一時間通知。
只會用嚟寄清單同新片通知；唔會賣你嘅 email，隨時一句「退訂」即刻停。
Suggest · 你想我教咩？
睇完呢篇你仲有冇嘢想知？講低一個題目，我睇到就拍片或寫 blog 教你。唔會收集你嘅個人資料，只係想知你對咩有興趣。